అశ్రు నివాళి...!!!

కన్నతల్లికి అన్నం పెట్టని కొడుకులు...
కట్టుకున్న దాన్ని నట్టేటముంచే ద్రోహులు...
మతం మత్తులో ఉన్మత్తులు...
విద్రోహుల చేతిలో తొత్తులు..
పొరుగువాడి ఉన్నతిని కాంచలేని గుణం...
మతం పేరున జరుపుతుంది మారణహోమం ...
మతోన్మాదానికిదే నిలువెత్తు దర్పణం...
ముంబై నగరిపై లష్కరే ముష్కురుల దారుణం...
నా...
భరతమాత ముద్దుబిడ్డల దీక్షా కంకణం...
దుష్టశక్తులపాలిట అయ్యింది మృత్యువాహనం...
దేశం కొసం ప్రాణాల్నర్పించిన వీరులు ...
జాతి గుండెల్లో కలకాలం నిలిచిపోయే అమరులు...
అశృనయనాలతో,బాధాతప్త హృదయంతో...
వారికివే నా అక్షర నివాళి..
జై జవాన్... ! జై జై జవాన్..!!

ముంబై మారణ హోమం...!

నాడు తల్లి పాలు తాగి రొమ్ము పిసికిన ఉన్మాది...
నేడు మతం పేరున మారణ హోమం చేస్తున్న ఉగ్రవాది...
దుర్మార్గంతో బతకమని ఏ మతం చెప్పింది... ?
దుష్కర్మలే జిహాదని ఏ హితం నేర్పింది... ?
పరమత సహనం లేని మానసిక మూఢులు..
జనహతమే మతమనుకొని చేయున్నయ్యా దాడులు...
మతం ముసుగులో ముష్కురుల ఇష్టా రాజ్యం...
రాక్షస కృత్యాలతో ఏర్పడుతుందా ఇస్లాం రాజ్యం... ?
ఓ... అల్లా...!
ఈ... మంద భాగ్యులకు నవ్య క్రాంతి పొసగు...!!
మా... ప్రపంచానికి శాంతి - సుఖాల నొసగు...!!!

నా ఆత్మ - హత్య...!

రోడ్డున వేసిన రాముని బొమ్మకు పదిపైసలివ్వని దాతలు...
కర సేవంటూ వేసుకుందురు, మత మూడత్వపు వాతలు...
సర్వాంతర్యామి అయిన దేవుడు అయోధ్యలోనేనా వుంది...
ఎలా అయినావయ్యా దేవుడా..! వీళ్ళ చేతుల్లో బందీ... ?

కులమూ మతమూ మత్తునిచ్చు సారా...
సేవించు చుందురు రాజకీయ ఉన్మత్తులు మనసారా...
మనుషులు కుళ్ళి కంపు కొడుతున్నా మాటల్లో సుగంధి...
నీవు పుట్టిన చోటే రక్తపుటేరులు కాంచవయ్యా ఓ జాతిపిత గాంధీ...!

ఓ దేవుడా ...ఓ మానవుడా ...కనిపించరు మీరు మాకు...
ఈ రాజకీయ నపుంసకుల ఏలుబడిలో ...
మనసు చంపుకుని బ్రతకాలని లేదు నాకు...
అందుకే....... నా ....ఆత్మ...హత్య.......!!!