హిమాలయుని కెందుకే అంత వేడి...?
ఉన్నతిలో తన కంటే ఎంతో ఎత్తుకు ఎదిగాడని...!
సముద్రుని కెందుకే ఎగసిపాటు ...? కోట్ల జనుల హృదయసంధ్రాల్లో ఈదురాడుతున్నాడని...!
చందురుని కెందుకే అంత వెలుగుమంట ?
మనసులను రంజింపచేయటంలో తననే మించినాడని...!
కోయిల ఎందుకే అలా మూగబోయింది...?
ఆతని పలుకులకే ఆమని పులకరిస్తుందని...!
నెమలి ఎందుకే అలా కుములుతుంది...?
ఆతని నడకలలోనే నాట్యం దాగివుందని...!
వర్షఋతువుని చూసి వసంతానికెందుకే అంత ఈర్ష్యా ...?
జగానికి జనహర్షుని అందించే అదృష్టానికి నోచుకుందని...!
జనుల కేందుకే యింత అంబరమంటే సంబరం ...?
జగదేక వీరుని జన్మ దినోత్సవం ... అందుకే జగమంతా ఆనందోత్సవం ...!
ఎవరే ప్రకృతి ఆకృతినే మార్చిన ఆ పురుష పుంగవుడు...?
ఆంధ్ర ప్రజల ఆరాధ్య దేవుడు ... అంజనీ పుత్రుడు...!
వేధింపకే..! పేరూ, వూరూ చెప్పి పుణ్యం కట్టుకోవే...??
మెగాస్టార్ చిరంజీవి నామధేయం..! నెలవు జన హృదయం ...!!
Subscribe to:
Post Comments (Atom)
No comments:
Post a Comment